Posted by nadz on March 7, 2011, 12:51:18, in reply to "Re: Pe panjang, so pastiu mo baca..."
dari tyu utas,
bahwa kine ba vostink hala-hala
cuman 1 baris
qk.qk.qk.
--Previous Message--
: So ndak menarik, lebe bagus pende pende maar
: straight to the ''urat gili''
:
:
:
: leha
:
:
: --Previous Message--
:
:
:
:
:
: Hari itu adalah minggu pagi yang cerah
: seperti biasanya gereja agak penuh oleh
: sebagian besar penduduk Kakas.
: Si brandal Harry menempatil tempat duduk
: dibelakang persis dihadapan paduan suara
: wanita malumlah ada wewene idamannya disitu.
: Berpacaran juga belum tapi di hati so mulai
: rasa ba wora kalu lia ada wewene
: manis,mungkin itu jatung cinta ???
: ahhhh kiapa kita barasa totofore kalu lia pa
: dia ???
: pun tu wewene manis yang ada di Paduan suara
: wanita nintau kalu si brandal Harry da
: jatung cinta brat padia ?
: biar jo lia depe muka rasa hati so senang,
: begitulah tu cinta kalu so ba tera nda
: pandang bulu brandal atau si alim,bolt or
: beautiful yang penting kapseti deng depe
: taji musti muantaf,
: dengan semboyan" Rasa dulu pica hati
: baru batinpun senang",..bukang upah
: dosa ialah maut sama deng tempo hari da
: bilang pa oom Obe,
: tu babagini Ta inga opa Kaunang da bilang
: Kalu so jatung cinta biar lei Cabiu depe
: bobou rupa daong Pondang.,..Ha hahahaha,....
:
: Di Kakas II wilayah Kayuwatu ada gereja
: Sumena,ada juga gereja Pantekosta,dan nda
: jao dari situ lewat Pendeta pe rumah ada tu
: gereja Gmim,disitulah si brandal Harry ikut
: kebaktian dipagi itu.
:
: Kakas adalah sebuah negeri padat penduduk
: dan termasuk sebuah Kecamatan,
: dari
:
: kampungKauweng,Pahaletan,Rinondor,Sendangan,Toullimembet,Talikuran,Touwneleth
: hingga Wieneruw
: padat oleh bertambahnya penduduk dan
: pendatang,namun sosial dan rukun yang ada
: masih sedikit terlihat dan terasa.
: Harry pe rumah dipinnggir jalang dan
: disamping rumah masih ada sebidang tanah
: yang ditumbuhi pohon pisang,
: bila duduk diwaktu siang terdengar telapak
: kuda yang menarik bendi dan beberapa
: kendaraan yang lalu lalang,
: nda rupa dulu jalang masih sepi, kalu nda
: ada kendaraan anak anak selalu bermaeng bola
: dan bulu tangkis dijalang
: tapi skarang so nda bisa musti bermaeng di
: halaman apalagi kalu da oto dari Langowan pe
: laju skali tu supir rupa orang mangkage
: oto dia ba tancap gas sama deng orang da
: injang ampas klapa mo beking minya.
: Ambe bulu ayang deng batang milu kong beking
: tu bulu tangkis pake reket papang
: pok pak pok pak pok pak Harry ja bermaeng
: bulu tangkis deng Endy kong dorang baku
: smash iko kuat punya.
:
: Didalang gereja si brandal Harry nda dengar
: butul apa yang pendeta da hotbah tagal depe
: hati cuma da tunggu tu paduan suara wanita
: mo menyanyi.
: Sewaktu Pendeta da cumu Yohannes 18;37 dan
: tentang tembok Yericho si Harry menaruh
: perhatian ;
: Untuk inilah Aku datang ke dunia agar Aku
: memberikan kesaksian tentang Kebenaran,
: Selama enam hari para pejuang Israel sedari
: pagi hingga petang mereka mengenakan baju
: perang mengitari Yerikho dan pulang lagi,
: para serdadu/pejuang merasa seakan akan
: membuang buang waktu saja bila terus
: begini,mengapa tidak langsung menggepur saja
: ?.
: Tetapi pada hari yang ketujuh para
: serdadu/pejuang Israel diperintahkan untuk
: mengelilingi kota Yerikho ini sebanyak tujuh
: kali
: dan juga harus menyerukan pekik perang,..dan
: sesudah itu apa yang terjadi ???
: Tembok Yerikho yang kuat kokoh itu runtuh
: dan ratah dengan tanah,(Yosua 6;13-20)
: Kisah tentang runtuhnya kota Yerikho ini
: menuntut ke- Taatan,Tabah,Sabar dan Iman,
: Karena Iman runtuhlah tembok Yerikho,(Ibrani
: 11;30)
: Kita harus sabar pasti Berkat Tuhan akan kau
: capai (Ulangan 28;2).
:
: Si brandal Harry pe dolong hati Ni Pendeta
: bilang butul juga tu dia,deng Iman apa saja
: bisa runtuh,tembok Yerikho saja bisa rata
: deng tanah kong tu hati wewene ??.
: pokoknya deng iman kita nda tako
: pasapa,apalei cinta ??? konga kwa ityu.
: Abis hotbah terdengar paduan suara pria so
: menyanyi bobage suara pe bagus skali,
: disitu juga depe tamang Endy ada iko
: menyanyi deng depe suara ampa kong ja baku
: balas deng suara tiga iko oom Tumbelaka pe
: angka palu.
:
: Tanta Ross pe hati senang luwar biasa tagal
: oom Obe so stop ba miras deng baroko,
: Oh Obe ? skarang ta pe cinta pangana so
: batambah banya sayang,
: anak anak juga so senang sebab kalu ngana
: mabo ja marah pa dorang kasiang
: sekarang rumah so nda bobo roko,so nda bobu
: captikus,biar sasadiki tu doi so mulai ta
: simpang voor makang deng anak anak pe harga
: skolah
: nda rupa dulu ngana ja minta voor bili roko
: deng captikus kalu kaseh ngana marah deng
: bapukul pakita sampe anak anak so rasa tako
: skali,
: lia jo skarang dorang so rajin blajar,dengar
: dengaran deng laeng ja batulung pa laeng
: rupa ngana da janji padorang,
: begitulah tanta Ross bilang pa oom Obe,
: biar apa saja oom Obe mo kerjang voor dapa
: doi kase pa maitua voor sambung ni hidop.
: Kalu ba pancing di laut oom Obe so lama nda
: lia pa Harry,mungkin tu anak so tako pakita
: sooo ??
: ahhh,.minta minta nyanda bagitu jo mungkin
: dia da sibuk deng skolah atouw nda ada prao
: voor ba pancing ??
: atou dia so pigi merantau ??,..nda mungkin
: ,..dia masih kacili bulung bisa merantau
: dia.
: Malumlah nda ada ijazah oom Obe kerja
: sebagai buruh bangunan dan kalu da waktu
: vrij dia ja pigi bapancing.
: Oom Obe pe anak ampa ,tiga laki laki yang
: bungsu parampuang,
: tu anak laki laki yang tua taong muka mo
: maso SMA jadi so musti ada doi voor biaya
: samua ini,
: anak anak masih kacili depe biaya kacili,so
: besar deoe biaya besar lei,.
: Oh Tuhan kase jalang jo pakita voor
: kerja,begitulah oom Obe pe doa.
: Deng doi yang da simpang tanta Ross kumpul
: kong dia mo babajual sayor deng rica
: mungkin deng babagini ni idop bisa tabae.
: Oom Obe juga pe hati bangga skali lia maitua
: da rencana mo bajual dipasar,
: Ross ?? kita ba syukur jo pa Tuhan ternyata
: ngana juga mo ba usaha babantu pa
: kita,pambae skali ngana Ross,
: deng ni anak laki laki nomor tiga Lucky kita
: lia lia depe bakat di bola kaki eso eso kalu
: dia so jago rupa Rondalo so lebe kaya lei
: torang ni dia,
: Tanta Ross ; Sapa dang tu jago bola kaki
: yang ngana da bilang Obe ??
: Oom Obe ; Oh Sayang tu jago bola kaki depe
: nama Rondalo,deng maeng bola saja dia pe
: kaya skali kata.
: Tanta Ross ; Oh,..minta minta jo Tuhan mo
: sayang.
: Lucky da tatawa ta kile kile dengar pa papa
: Obe,papa ?? tu jago bola itu depe nama
: Ronaldo bukang Rondalo,
: Hahahahahahaha hahaha tanta Ross oom Obe
: deng Lucky tatawa polote,.
: oom Obe bilang sapa maka tau tu dia yang
: penting ngana Lucky musti latihan bola ngana
: pe bakat disitu .
:
: Di gereja Kakas tu kebaktian so amper klaar
: selesai,somo sembayang syafat samua koor
: paduan suara so menyanyi
: sedangkan ni paduan suara wanita biang
: keroknya si brandal Harry da tunggu tunggu
: bulung menyanyi dorang,
: memang ada paduan suara wanita yang so
: menyanyi maar paduan suara itu tanta tanta
: samua ,oma Sien yang ba palu,
: Si brandal Harry so mulai ba rasa grel
: mungkin ni pandita keok so lupa stou sampe
: tu paduan suara wanita nda jadi menyanyi ??.
: Rupa rupanya ni minggu bukang dorang pe
: giliran,tu paduan suara wanita yang Harry da
: tunggu tunggu dorang menyanyi pas minggu
: muka
: Harry pe dolong hati ?????
:
:
: (Bersambung)
:
:
: Burako.
:
:
:
:
:
:
:
:
:
:
:
:
:
:
:
:
Message Thread
« Back to index